Біздің мектепке қош келдіңіз

Астана қаласы әкімдігінің «№106 орта мектеп» КММ Бейбарыс Сұлтан көшесі, 15 ғимаратта орналасқан. 2024 жылы 1 қыркүйекте жаратылыстану бағытында қазақ және орыс тілдерінде оқытатын орта мектеп болып ашылды. Мектептің сыйымдылығы 2000 оқушыға арналған. Қазіргі таңда мектепте 3571 бала оқиды, МАД сыныптарында – 204 оқушы, 1-4 сыныптарда – 1617 оқушы, 5-9 сыныптарда – 1457 оқушы, 10-11 сыныптарда – 293 оқушы. Сабақтың ұзақтығы – 45 минут. Оқытуды 187 қызметкерден тұратын мұғалімдер қауымы жүргізеді. Мектеп ұжымы тұрақты және кәсіби мамандардан құрылған. Мектептің материалдық-техникалық базасы өте жақсы. Мектепте компьютерлік сыныптар, шеберханалар, спорт залдары, акт залы, асхана, заманауи кітапхана, STEM, робототехника, физика, химия, биология, хореография залы, подкаст түсіруге арналған кабинеттер, ерекше білімді қажет ететін балаларға арналған сенсор кабинеттері, мұғалімдерге арналған коворкингтер, мұғалімдер бөлмелері, мектепалды даярлық сыныптарының оқушыларына арналған ойын алаңы, ата-аналарды қолдау кабинеті, лингвистикалық кабинеттер бар. Мектептің миссиясы – құндылыққа негізделген білім беру арқылы бәсекеге қабілетті тұлға қалыптастыру. Мақсаты: «Инновациялық үдерістерді енгізу арқылы мұғалімдердің кәсіби құзіреттіліктерін арттырып, құндылыққа негізделген білім беру жүйесінде оқушылардың танымдық қабілеттерін дамыту».